天生就非池中物

學校派發通告，邀請學生參加合唱團，唯需甄選及試音。Mango Ma 認為值得一試，故向 Mango B 提出，看看她是否願意參加。

Mango Ma：「老師今日派左通告，問我地參唔參加唱歌活動呀。你想唔想去呀？」
Mango B：「係邊度呀？」
Mango Ma：「學校呀！」
Mango B：「幾時呀？」
Mango Ma：「K3 既時候。其實都唔一定有得參加架，要簽左通告番去，老師邀請我地去，先有得參加架，所以不如試下先啦，老師叫我地就參加，唔叫我地就我地自己再諗方法唱歌啦！」
Mango B：「係啦，可以係屋企唱架嗎」
Mango Ma：「都係呀，不過呢個可以上台同一班同學一齊唱，好似幾好玩咁呀。你鍾唔鍾意唱歌呀？」
Mango B：「鍾意」
Mango Ma：「咁參加先啦，老師叫我地去先算啦」
Mango B：「咁可唔可以老師叫我去但我唔參加呀？」
Mango Ma：「咁不如一開始就話比老師聽唔去啦」

Mango Ma 滴哂汗呀！有無咁串呀？「咁可唔可以老師叫我去但我唔參加呀？」如此推斷，佢將來可以同老闆講：「咁可唔可以老闆叫我去／做但我唔撈呀？」。嘩！學到野呀！

真係無眼睇呀！Mango B，爸媽真心祝願你日後能當上老闆，也就不用如此回應。哈哈哈哈！