理解能力

自K2起，學校會邀請學生帶一個blue bag回校，內裡裝著一本中文圖書及兩本英文圖書，供學生朗讀予家中各人，提升中英文識字量，亦培養學生獨立閱讀的能力。Mango B 對做功課總提不起勁，包括這些閱讀功課，其實她的能力不俗，只欠缺動機。

Mango Ma 晚飯後，如常地與 Mango B 讀故事。這天，她帶來了一本圖書，名為《我的房子》。Mango B 未能讀出「房子」二字，Mango Ma 也就乘機教教她，好讓她學多一點。

Mango Ma：呢個字係「房子」，你跟我讀一次
Mango B：房子
Mango Ma：咁你知唔知「房子」點解呀？
Mango B：即係我地驚俾蚊咬，咁就貼蚊貼

Mango Ma 聽完後，完全不明白，不知如何回應她，畢竟她都努力嘗試，雖然答錯了，但又不想打擊她。正當 Mango Ma 努力想想如何作出友善的回應時，忽然靈機一觸，全都想通了。

Mango Ma：啊！你係咪講緊「防止」被蚊咬呀？
Mango B 冷靜地點點頭。
Mango Ma：係呀，你講得好啱呀！不過呢個「房子」同你講嗰個「防止」唔同寫法，所以媽咪知道唔係你講嗰個「防止」。呢個「房子」即係一間屋既意思。
Mango B 指著自己的房間說：呢間係我既房子
Mango Ma：係呀係呀！

這件事令 Mango Ma 十分激動，原來她的理解能力很高，連「防止」這個較抽象的詞語都能明白，兼且能用一個生活例子展示其意思，作為成年人，如果我們的眼中只有目標詞彙「房子」，也就會錯怪了她。

Mango Ma 慶幸自己當下沒有即時駁斥，停一停，想一想，才下定論。這實在是 Mango B 為 Mango Ma 上了很好的一課啊！