解讀弦外之音

武漢肺炎期間，Mango family 少有出行，一來要減低受感染的風險，二來要減少使用口罩。這天，我們難得到了一間潮州菜餐廳吃晚餐。

Mango Ba：一係食滷水鵝？
Mango Ma：呢d唔係唔食得咩？（因為 Mango Ba 認為食物煮熟後需由廚師徒手切片，增加風險，故這段高危期間，燒味、薄餅、漢堡包等都算是違禁品）
Mango Ba：咁又係，嘩，拼埋鵝肝仲正😋
Mango Ma：你自己話 lor，學婆婆話齋，你係衞生署署長，你話食得就食得架啦！
Mango Ba：咁呀，都得既……🤔
Mango B：「都」即係唔得啦！
Mango Ba：咁醒既你，咁都知道wor！
Mango B：梗係啦，「都」即係你掙扎啦，咁掙扎就唔好食啦！😎
Mango Ma：連個女都咁講，你都係聽話唔好食啦！

從這件小事可見，Mango B 的想法解讀能力及表達能力實在超乎我們的想像，就連隱藏於文字中的意思都能掌握得到，語感真強！不足六歲就有如此的功力，勁呀！

有趣的中文

🤓意譯
有一天，Mango Ma 與 Mango B 一起閱讀一本有關澳洲一年十二個月的圖書，剛巧昨天學了七大洲，Mango Ma 便乘機向 Mango B 講解赤道及南北半球的天氣，讓 Mango B 更容易理解圖書中澳洲天氣與香港天氣的分別。隔了幾個小時，Mango Ma 便找機會查問 Mango B，看看她能否記得當天所學。

Mango Ma：記唔記得今日媽咪教過你既野呀？
Mango B：記得
Mango Ma：咁我地今日講過地球分左北半球同埋南半球，咁點分架？
Mango B：熱線
Mango Ma：咩熱線呀？
Mango B：嗰條紅色線切開上面同下面嗰個 lor
Mango Ma：😂😂😂叫赤道呀，阿女，唔係熱線呀！

👻捉字蝨
下午茶時，Mango B 一邊食蘋果，一邊發表性別歧視的言論。事實上，她由K3開始，就很排斥男孩子，只跟女孩子玩，又嫌棄男孩子，Mango Ma 間中也會教導她，不應刻意排除與男孩子交往，亦應以開放的態度與不同的人合作和相處。

Mango B：我唔鍾意d男仔食蘋果
Mango Ma：點解呀？
Mango B：d男仔食蘋果好似好核突咁
Mango Ma：唔好咁啦，呢個世界唔係男仔就係女仔架啦
Mango B：仲有狗仔、貓仔架嘛
😅😅😅

😝吞左個字
停課期間，Mango Ma & B 日夕相對，每個早上，Mango B 會於9時後到 Mango Ma 的房間喚醒 Mango Ma，然後我們會一起翻看她兒時的相簿，談談天，才正式起床。
Mango B：媽咪，我愛你
Mango Ma：乖女，我都愛你
Mango B：我 _ 愛你（ _ 代表停頓）
Mango B：我 _ 愛你！我 _ 愛你！我 _ 愛你！哈哈哈哈！

Mango Ma 看看這個百厭妹沾沾自喜的樣子，Mango B 似乎對這新發現很自豪😅