生活上的科學

🌧黑雲
停課期間，Mango B 每天早上九時後都會喚醒 Mango Ma，然後我倆會在床上依偎著，談天說地，時光實在美好。

Mango B：個天好黑呀
Mango Ma：係呀，今日會落雨呀，你睇幾多黑雲
Mango B：係呀， 好多黑雲
Mango Ma：點解落大雨之前d白雲會變黑雲呢？
Mango B：因為發霉 lor
Mango Ma：吓 😅😅
Mango B：係呀，因為好多雨水呀嘛，咁擺左咁耐咪發霉 lor
Mango Ma：咁 d 雨水跌落黎咪好污糟lor
Mango B：所以 d 水 tum 係好污糟架
Mango Ma：係，d 水 tum 係好污糟，但係唔係咁解架 wor
Mango B：係咁解架，真係架，你信我啦！

🥁敲擊樂
下午茶時間，Mango B 通常會吃一份水果及一份零食。停課期間，她對 Mango Ma 下午茶的選擇亦很有興趣，像是怕錯失了機會吃些好吃的小食。

Mango B：你下午茶食咩呀？
Mango Ma（正在切檸檬，然後用保鮮紙包好剩餘的檸檬）：我飲檸檬茶呀
Mango B：如果下次你又切檸檬，咁你切兩個，剩左嗰半個檸檬，我就貼塊鐵落去，就可以咁樣撞埋一齊，好似個樂器咁啦！
Mango Ma：係wor，咁點解要加塊鐵呀？就咁都得架
Mango B：都得，不過無咩聲 ja ma
Mango Ma：係咩？我地搵次試下整啦
Mango B：好呀，但係要搵塊鐵喎
Mango Ma：係喎，咁邊度搵塊鐵呀？
Mango B：今晚問爸爸 lor

🧊冰
有一個星期天，Mango B 問 Mango Ma 拿了一粒冰，並想試試在冰上寫字，不過失敗了。拿著一粒冰，Mango B 十分雀躍。

Mango B：仲有d咩關於冰既實驗可以做呀？
Mango Ma：你諗下啦
Mango B：你幫我諗啦
Mango Ma：一係試下做一個實驗，睇下咩情況下粒冰會無咁快溶
Mango B：好呀好呀
Mango Ma：咁你諗下有咩情況啦，你諗到幾多個情況，我就比幾多粒冰你
Mango B（超級興奮）：Yeah
Mango Ma：你諗左先啦
Mango B：搵 d 野 kum 住佢
Mango Ma：好呀，咁你想搵咩 kum？
Mango B：搵個碗
Mango Ma：OK，你再諗啦
Mango B：搵四張紙包住佢
Mango Ma：好呀，你再諗啦！
Mango B：搵膠紙痴住佢
Mango Ma：好呀，仲有無？
Mango B：無啦
Mango Ma：我諗到多一個
Mango B：咩呀？
Mango Ma：擺落你個褲袋入面
Mango B（超級興奮）：下
Mango Ma：好，咁我就去攞四粒冰同埋其他用品啦喎

如是者，Mango B 便進行了實驗。這個需要等待的實驗，亦因她的褲袋愈來愈濕、愈來愈凍而變得愈來愈好玩、愈來愈惹笑。

你猜最後的實驗結果是哪個情況最快溶呢？
。
。
。
。
。
。
。
。
。
。
。
。
。
。
。
結果：
最快溶：膠紙痴住
第二：個碗 kum 住
第三：在褲袋內
溶得最慢：四張紙包住

好意外的實驗結果啊！還以為放在褲袋內的冰塊會因為靠近身體而被身體的溫度加速溶化，我們事後推測，褲袋隨著冰塊初期溶化而變得濕了凍了，在後段反而多了一個冷凍的包裝保存著冰塊，大大減慢溶化的速度。相比起膠紙貼著及在碗內的空間有更多接觸流動空氣，而至是次實驗結果。Mango B 聽後似懂非懂，不過這些 STEM 遊戲在小朋友的世界裡，懶理它的教學意義，還是十分有趣的。