笑料（更新版）

事件一：為食的程度

Mango Ma 與 Mango B 在圖書館裏借了一本名為《誰是老大？》的故事書，內容講述年長的人會承擔較大的責任，例如：大哥哥在學校裏要幫忙派發午餐。Mango Ma 也就乘機向 Mango B 講解小學生活的點滴。

Mango Ma：你第時大個會唔會幫老師派飯架？
Mango B：會
呆了一會，Mango B 問：咁我有冇得食架？
😂😂😂

事件二：同隻豬比

Mango family 每天晚餐時段都會各自分享當6發生的事。有一天，Mango Ba 分享公司拜神食燒豬的事。

Mango Ba：今日我午餐食左燒肉呀。
Mango B：係咪即刻燒嗰d呀？
Mango Ba：唔係呀，喺餐廳燒好架啦，成隻豬送黎公司一齊切一齊食
Mango Ma：即係好似你生日食嗰d呢
Mango Ba：呢隻再大隻d，咁大隻架！（用隻手的動作表示燒豬的大小）
Mango B：即係肥過你個身 wor
😂😂😂

事件三：有學都畫成咁

Mango B 每天都要學習寫一個詞語，以練習中英文書寫，並增加識字量。Mango B 亦需要在工作紙上就詞語的意思畫圖，以確保她理解字義，並在她忘記詞語時作為提示。如是者，Mango B 每天都會做「新詞舊詞」及畫畫。有一天，Mango family 及 Mango 婆都在家，大家一起讚揚正在做「新詞舊詞」的 Mango B 。

Mango Ma：嘩，爸爸，婆婆，你地睇下，Mango B 寫d字幾靚！仲有d畫呀，一定係好比心機畫架啦！
然後 Mango Ma「精選」了幾張攪笑的圖展示給 Mango Ba & 婆看，包括：黑白橫間條紋的熊貓、會站立的小寶寶等。
Mango Ba & 婆（忍住笑）：嘩，真係好靚 wor！
Mango B：梗係啦，我有學畫畫架嘛！
各人還是忍不住大笑了。😂😂😂
Mango B：你地笑咩呀？

事件四：騙徒既手法真係層出不窮

晚飯後，Mango B 提議一家人一起玩兒童版大富翁，Mango Ba & Ma 也就奉陪到底啦。如是者，Mango B 手風不順，行到去 Mango Ba 的物業上，需賠上10元。Mango B 數數手上的錢，只剩下7元。

Mango Ma：咁你而家要賣野比銀行啦wor，你可以考慮賣呢度又得，呢度又得，呢度又得（Mango Ma 幫 Mango B 指出她的物業所在地）
Mango B 靜了一會兒，一本正經地說：係咪淨係可以賣自己嗰d架？

😂😂😂
Mango Ba & Ma 一邊失笑，一邊回答說：梗係啦！

如是者，Mango B 決定了賣其中一個物業，可換到4元，然後 Mango Ma 幫她從中抽取3元，結合原來的7元，打算交給 Mango Ba，餘下的1元則交給 Mango B 繼續玩。怎料，Mango B 突然發難，大哭起來。

Mango B：你地唔公平呀！
Mango Ma：咩唔公平呀？
Mango B：我頭先咪比左爸爸lor，而家又比！
Mango Ma：傻妹，你無比呀，你睇下，d錢仲喺度呀！你頭先淨係數左ja，無比呀！

😂😂😂

Mango B 一而再想出這些「戰術」，Mango Ba & Ma 實在招架不來，停不了地大笑，也可能忽略了哭得很傷心的 Mango B。待各人都平復了心情，Mango Ma 才能重整認真的思路和溫和的態度向 Mango B 解釋這個誤會。

事件五：豬肉榮

話說有一日，Mango family 各自在房間內更衣，Mamgo B 完成後，便來到 Mango Ba & Ma 的房間裡去，當時，Mango Ma 亦已換好衣服，唯 Mango Ba 只換了褲，卻仍未穿衣服。Mango B 見狀便笑說：「爸爸，乜你咁似街市賣野嗰d叔叔既？」😂😂😂