歡樂今宵

每晚吃晚餐時，是 Mango B 描述一天學校生活的傾談時間，她會仔細地講述每一節課堂的學習活動，亦會分享小息時與同學的玩意。每次聽到她的分享，都能感受到她的喜悅，她既對學習有自信，亦喜歡玩樂的時間，Mango Ba & Ma 實在欣慰。暫時所見，她最喜歡的是體育課，最喜歡的老師是班主任，最喜歡的時間是午息。

事實上，Mango B 在適應和社交上有明顯進步，例如：

從此像移民送別般送她回校，現在她從容不迫地自行踏上樓梯回校；

從此她對人嫌三嫌四，現在她交上十數個朋友，還主動帶糖果回校請全班同學吃；

從此她總喜歡多管閒事，現在她只是諸事八卦，察覺而不動口去處理；

從此她最愛留在家，現在她會埋怨 long weekend 太長，希望快點到上學日；

從此她為小傷口而大吵大鬧，現在她差不多天天都要去醫療室處理各式各樣的小傷（例如：損、頭撞頭、反車、擦傷等）都笑笑口；

從此她謹慎地打點自己的食物，現在她被人偷吃了食物盒內的茶點會形容為 “it's funny”。

Mango B 分享生活點滴時，亦喜歡跟 Mango Ba & Ma 玩猜謎遊戲。有一天，她談到中文課時，又叫我們猜猜看。

Mango B: 你估我今日中文堂學d咩？
Mango Ma: 又係顏色呀？
Mango B: 唔係呀？今日無教顏色啦！
Mango Ma: 咁係咩呀？
Mango B: 你地估下啦！
Mango Ma: 點估呀？可以係任何野架喎，比d提示啦！
Mango B: 唔......係兩個字既，如果加多一個字就會識飛啦！
Mango Ma: 咁神奇？
Mango B: 你估下啦！
Mango Ma: 有無個飛字架？
Mango B: 無架！
Mango Ma: 即係加一個字係個詞語度，嗰樣野就識飛呀？
Mango B: 係呀，加喺前面嗰度
Mango Ma: 嘩，呢樣野好特別喎，唔加就唔識飛，加一個字就識飛
Mango B: 係呀，你估下啦
Mango Ma: 諗唔到喎
Mango B: 要唔要多d提示？
Mango Ma: 要！
Mango B: 後面嗰兩個字係名詞黎既，前面嗰個係形容詞
Mango Ma: 咁有趣？
Mango B: 係呀！
Mango Ma: 都係諗唔到喎，再比多d提示啦！
Mango B: 好大個提示喎！
Mango Ma: 好呀！
Mango B: 最後個字係個球字。
Mango Ma: 球？足球？
Mango B: 唔係
Mango Ma: 籃球？
Mango B: 唔係
Mango Ma: 風球？
Mango B: 唔係
Mango Ma: 月球？
Mango B: 唔係
Mango Ma: 定係唔係呢個球，係呢個求？
Mango B: 唔係呀，係呢個球呀！
Mango Ma: 諗唔到喎，開估啦！
Mango B: 係氣球呀！加個氫字咪會識飛囉！
Mango Ma: 係喎，你好犀利喎，出題出得好好呀！
Mango B: 呀！（大叫）
Mango Ma: 做咩呀？
Mango B: 唔係呀！（大笑）
Mango Ma: 做咩呀？
Mango B: 今日唔係教呢個字呀，今日係教「天空」呀！🤣🤣🤣🤣

呢位小朋友係咪傻得太厲害呢！多謝 Mango B 每晚晚飯時的分享，為我們忙碌的工作和生活帶來無限的歡樂。