父女關係

幫你變成害你
晚飯後，Mango B 時而喜歡與 Mango Ba & Ma 一起玩桌上遊戲。有一晚，Mango B 選擇了玩波子棋（食棋玩法），雖然這並非 Mango Ba 的強項，不過 Mango Ba 都盡力參與，可惜，食到的棋子總是兩隻起、三隻止。Mango Ma 見他節節敗退，便打算幫他說好話，挽回一些面子。

Mango Ma: 爸爸真係好啦，次次都讓我地
Mango B: 我覺得佢其實唔係讓囉
😂😂😂

奴隸獸
Mango Ma 愛為 Mango B 配上可愛的形容詞來描述她不好的一面，例如：懶懶豬、嗲嗲貓、攰攰熊，Mango B 相對比較受落。

一個週末的早上，Mango B 來到 Mango Ba & Ma 的床上一起賴床和聊天，講起 Mango B 懶懶豬一事，在旁的 Mango Ba 搭起訕來：

Mango Ba：咩係懶懶豬呀？
Mango Ma：佢咪係懶懶豬囉
Mango Ba：咁我呢？我係咩呀？
Mango B：你係家務狗囉！
Mango Ba（一臉無辜）：咩係家務狗呀？
Mango B：即係要幫我地做家務架囉
Mango Ba：吓！咁慘既我
Mango B：唔慘，你咩都唔做，就不停幫我地做家務
Mango Ba：咁如果我做得好呢？
Mango B：咁就可以比一個星期你休息下，唔駛做家務啦！
😂😂😂

情話

過去兩三個月，Mango Ba 工作繁重，除了晚上加班外，週末還要回公司工作，累得 Mango Ma & B 經常要相依為命，鮮有可以到郊外遊玩，或者到遊樂場踏單車，畢竟 Mango Ma 不敢獨個兒帶 Mango B 玩得太盡，以免出問題時招架不來。這個週末，Mango Ba 終於可以預留大部份時間與 Mango B 在一起，Mango B 明顯心情大好！

💜看著 Mango Ba 煮的早餐：

Mango B：You are the best chef！

💛與 Mango Ba & Ma 商量當日的活動安排：

Mango B：唔知點解，我星期一至五就好鍾意媽咪，星期六日就好鍾意你！

💚Mango Ba 駕車送她到芭蕾舞學校上課：

Mango B：你一陣番唔番黎架？

Mango Ba：番，梗係番啦，我２４小時陪你呀嘛！

💙４點半下午茶時間，Mango Ma & B 坐在沙發吃茶點，Mango Ba 仍在工作。

Mango B：黎啦，黎啦，過黎一齊食啦！

Mango Ba：好啦好啦，過黎一陣啦！

然後 Mango Ma 為 Mango Ba 送上一顆顆開心果，又請他吃了幾口奇異果

Mango Ba：嘩，Ｄ奇異果好甜喎！

Mango B：你係咪鍾意呀？咁我去廚房切一個比你啦！

然後 Mango B 就走進廚房拿了個奇異果，再去洗手間洗乾淨（因為廚房的水龍頭太高），再回到廚房將奇異果切開兩半，裝在飯碗裡，連匙子一起送到 Mango Ba 跟前。

Mango Ba：嘩，阿女，你切既呢個奇異果真係好甜呀！

Mango B：係咩？同我有關架咩？

Mango Ma：個奇異果無特別甜左，不過你切既，爸爸就梗係覺得特別心甜啦！

💗晚飯前，Mango Ba 提議外出用膳，愛宅在家的 Mango B 雖然不多情願，但也走進房屋挑選衣服去。後來 Mango Ba 改變主意，覺得留在家吃也可，Mango Ma 遂與 Mango B 商量，打算按她的意願來決定晚餐的地方。

Mango Ma：爸爸話佢唔出街食都ＯＫ喎，咁你呢？係咪想喺屋企食多Ｄ？咁媽咪可以而家去煮呀！

Mango B：唉哎，唔好講呢Ｄ啦！（繼續揀衫）

Mango Ma：唔係呀，爸爸話佢ＯＫ架！

Mango B：唉哎，唔好講呢Ｄ啦！（一邊傻笑，一邊揀衫）

Mango Ma：唔係呀，爸爸話佢真係ＯＫ喎！

Mango B：唉哎，都話唔怕囉，出去啦，出去啦！

Mango Ma：我知啦，你係咪想就爸爸，所以話ＯＫ呀？唔係呀，佢今次真係ＯＫ，同埋屋企真係有餸，所以喺屋企食無問題。

Mango B 沒有回應，沒有再揀衫，Mango Ma 知道說中了她的心意。

Mango Ma：係呀，你好乖呀，就爸爸。有時屋企無餸，或者爸爸想休息一下，咁就真係一定要出去，不過今日係真係有得揀，同埋媽咪知你想喺屋企玩。出左街食飯，食完飯番黎就要刷牙訓覺架啦，你得唔得先？

Mango B：咁喺屋企啦！