天堂

在 Mango Ba 的車上，Mango B & Ma 無厘頭開始了一段很沉重的對話……

Mango B：媽咪係咪點都咁錫我架？
Mango Ma：媽咪無論點都咁錫你架啦，就算死左都咁錫你
Mango B：hey！唔好講呢d唔吉利既說話
Mango Ma：雖然唔吉利，但係媽咪係講真架，如果媽咪死左，就唔可以同你一齊食飯、一齊生活，但媽咪會一直喺你個心入面陪你生活
Mango B：咁死左會去邊架？
Mango Ma：會去天堂
Mango B：咁你知唔知如果你死左，去左天堂，咁我會想點呀？
Mango Ma：唔知呀
Mango B：我會想死然後快d去天堂度見番你
Mango Ma：但唔得架wor，你無得快d死架wor
Mango B：點解無得架？
Mango Ma：你要好好生活，先至可以死左之後去天堂，咁先可以見番面架wor
Mango B：咁如果無好好生活，咁死左會去邊架？
Mango Ma：去一個叫地獄既地方
Mango B：咁邊個決定架？
Mango Ma：天父決定
Mango B：咁天父點知我有無好好生活呀？
Mango Ma：佢知架，佢咩都知架
Mango B：咁天堂係點架？
Mango Ma：我未去過，唔知wor
Mango B：爸爸，天堂係點架？
Mango Ba：我都未去過wor
Mango B：點去架？
Mango Ma：我都唔知wor
Mango B：可能係飛上天空咁樣去
Mango Ma：可能啦
Mango B：咁點樣先係好好生活呀？
Mango Ma：做一個善良既人，好好用天父比我地既生命做好事，咁就係好好生活架啦

下車了，Mango Ba & Ma 都很感嘆。

Mango Ba：咁你就唔好咁快死啦！死左我一定好傷心咁喊
Mango B：係呀，我一定日日都喊
Mango Ba：我可能都好似阿女咁有咁既諗法
Mango Ma：梗係唔得啦！你要照顧阿女架嘛
Mango B：係 lor，要好好生活架嘛

然後，我們一家人走進商場裡去，也就完結了這段對話。

然後，我們一起繼續好好生活。